വാര്‍ത്ത

"എന്തണ് ചാനലേരൊക്കെ സ്ക്കൂളിനകത്ത് ?"

"കണ്ടില്ലേ, ബില്‍ഡിങ്ങ് വീണ് കിടക്കെണത്"

"ഓ, ഇങ്ങക്കിന്ന് കോളടിച്ചല്ലേ..?"

"ഏയ്, കാര്യല്ലാന്നേയ്.. കുട്ട്യേളൊക്കെ അവരവിട്ന്ന് നേരത്തെ മാറ്റീരുന്നു"

സീരിയസ്സായിട്ടാ....!!!

ജനറല്‍ സീറ്റ്

          ചാവക്കാട്ടെ ഒരു സര്‍ക്കാര്‍ സ്കൂളിലെ പ്രധാന അദ്ധ്യാപിക കെ എസ് ആര്‍ ടി സി ബസ്സിലെ ജനറല്‍ സീറ്റില്‍ ഇരുന്നു യാത്ര ചെയ്യുന്നു. മറ്റു സീറ്റുകള്‍ ഒഴിവില്ലാതിരുന്നതിനാല്‍ മൂന്നു പേര്‍ക്കിരിക്കാവുന്ന സീറ്റിന്റെ ഒരറ്റത്ത് ഒരു പുരുഷന്‍ വന്നിരുന്നു. ടീച്ചര്‍ക്ക് ഇഷ്ടപ്പെട്ടില്ലെങ്കിലും രൂക്ഷമായ ഒരു നോട്ടത്തില്‍ ഒതുക്കി. അടുത്ത സ്റ്റോപ്പില്‍ നിന്ന് കയറിയ ഒരാള്‍ രണ്ടു പേരുടെയും നടുവില്‍ ഇരിക്കാന്‍ ശ്രമിച്ചതോടെ ടീച്ചര്‍ ഇളകി. "ഇവിടെ ഇരിക്കാന്‍ പറ്റില്ല" എന്ന് ടീച്ചര്‍ കട്ടായം പറഞ്ഞു. അത് കേട്ട് അയാള്‍ പിന്തിരിഞ്ഞെങ്കിലും പുറകിലിരുന്ന എന്റെ സുഹൃത്ത് ടീച്ചറെ ചോദ്യം ചെയ്തു. "എന്ത് കൊണ്ട് ഇരുന്നു കൂടാ...?" ടീച്ചര്‍ക്ക്‌ മറുപടിയില്ല. "സാറവിടെ ഇരിക്ക് സാറേ..." എന്ന് പറഞ്ഞു കൊണ്ട് അയാളെ അവിടെ പിടിച്ചിരുത്തുകയും കൂടി ചെയ്തതോടെ ടീച്ചറുടെ മുഖം മ്ലാനമായി. ചാവക്കാട് എത്തുന്നത് വരെ  സൈഡിലോട്ടു തിരിഞ്ഞിരുന്നും മറ്റും ടീച്ചര്‍ എങ്ങനെയൊക്കെയോ കഴിച്ചു കൂട്ടി.

          "ജനറല്‍ സീറ്റ്‌ തീര്‍ച്ചയായും സ്ത്രീകള്‍ക്ക് കൂടി അവകാശപ്പെട്ടതാണ്. പക്ഷെ, തൊട്ടടുത്ത ഒഴിഞ്ഞ സീറ്റില്‍ ഇരിക്കാനുള്ള സഹയാത്രക്കാരന്റെ അവകാശത്തെ നിഷേധിക്കുന്നതിനേക്കാള്‍ മര്യാദ എഴുന്നേറ്റു നില്‍ക്കുന്നതല്ലേ........?" എന്ന് സുഹൃത്തിന്റെ ന്യായം. നിങ്ങളെന്തു പറയുന്നു..?

കമന്റു തേങ്ങകള്‍

((((((((((((((0)))))))))))))))))))

((((((((((((((0)))))))))))))))))))

ഇതാ എന്റെ വക തേങ്ങ പിടിച്ചോ... ഇനി സമയം കിട്ടുകയാണെങ്കില്‍ പോസ്റ്റു വായിച്ചിട്ടു ബാക്കി കമന്റാം കേട്ടോ..!!!

ബസു

"അതെ, ശര്യാ.. ബസ്സു(വ)ങ്ങനെ ചെയ്തത് നല്ല കാര്യാണ്ന്ന് ഞാന്‍ പറഞ്ഞ്ണ്ട്..  നമ്മളെ നേതാക്കമ്മാരങ്ങനെ ചെയ്യാത്തെയ്നെ കുറ്റോം പറഞ്ഞ്ണ്ട്. ന്നു വെച്ച്ട്ട്... അച്ഛന്‍ ബോധല്ലാതെ ഓരോന്നെഴുത്യെച്ചൂന്നെച്ച്ട്ട്... അതൊന്നും ശരിയാവൂല്ല. ഞങ്ങ്ക്കിതൊക്കെ ഓരോ ചടങ്ങായിട്ട് നടത്തണ്ടതാ.. നിങ്ങ്ക്കൊന്നും പറഞ്ഞാ മനസ്സിലാവുല്ല."

ദുഃഖാചരണം.....!!

"ഇന്ന് ദുക്കാജരണാണ്​ന്ന്....! ഒരു മോണിങ്ഷോ, ഉച്ചക്ക് ദുക്കാജരണദിന പ്രത്യേക ബ്ലോക്ക്ബസ്റ്റര്‍ ചലച്ചിത്രം വല്ലോം ണ്ടെങ്കി അത്. പിന്നെ വൈകീട്ടത്തേക്ക് ലവന്‍മാര് സാധനം വാങ്ങീണ്ട്ന്നാ പറഞ്ഞത്. മൂന്നീസം അട്പ്പിച്ച് ഓഫീസവധ്യല്ലേ... ഹോ.. ഇന്ന് ഞാനൊരു കലക്കു കലക്കും."

ഇതൊന്നും നമ്മളെ പണ്യല്ല...!!

"ടാ, നമുക്കാ വഴിയൊന്നു ശര്യാക്കണ്ടേ...? ആകെ കുഴിയായിട്ട് കൊളം പോലായിരിക്കെണ്.. നീയൊരു കൈക്കോട്ടെടുത്തിട്ടെറങ്ങ്യേ..."

"അതു വേണോ... നമ്മള് വിചാരിച്ചാ നടക്ക്വോ ചേട്ടാ..?"

"അതൊക്കെ നടക്കുംന്നേയ്... നമുക്കാ വളവിലെ പിള്ളേരേം വിളിക്കാ.. വെറുതേ ഒന്നൊപ്പാക്കിട്ടാ മതി.. കൊറച്ചാശ്വാസണ്ടാവും"

"എന്റെ ചേട്ടാ.. ഇതൊന്നും നമ്മളെ പണ്യല്ല. നമുക്കൊന്നു രണ്ട് വാഴ കൊണ്ടന്ന് വഴീല് വെക്കാ.. അതാവുമ്പോ ആ കേബിള്‍വിഷങ്കാരോടും പത്രത്തിലും ഒന്ന് പറഞ്ഞാ ബാക്കി പിന്നെ അവരായിക്കൊള്ളും.. വഴിയൊക്കെ തന്നെ ശര്യായിക്കൊള്ളും."